منہاج القرآن ویمن لیگ کے فورم ایگرز جہلم کے زیراہتمام ماہِ میلاد مصطفیٰ صلی اللہ علیہ وآلہ وسلم کی آمد کی خوشی میں جہلم کی یونین کونسل کوٹلہ فقیر اور یوسی جہلم سٹی میں تین مقامات پر بچوں میں میلاد پروگرام کا انعقاد کیا گیا۔ اس موقع پر بچوں کے حلقاتِ درود اور کینڈل واک کا اہتمام کیا گیا، جس میں علاقے کے بچوں نے بھرپورشرکت کی۔
تقریبات کا آغاز باقاعدہ تلاوتِ قرآنِ پاک سے ہوا جس کے بعد بچوں نے حضور نبی اکرم صلی اللہ علیہ وآلہ وسلم کی بارگاہ میں نعتوں کا نذرانہ پیش کیا۔ بچوں نے کینڈل واک، درودوسلام اور نعروں کے ذریعے تاجدارِ کائنات کی آمد کی خوشی منائی جبکہ ننھی بچیوں نے ربیع الاول کی خوشی میں مہندی بھی لگائی۔
رپورٹ: سامعہ وحید
تبصرہ