منہاج القرآن ویمن لیگ علی پور چٹھہ شمالی گوجرانوالہ کے زیرِ اہتمام 16 نومبر2022 کو محفلِ میلاد النبی ﷺ کا انعقادکیا گیا، جس میں مرکزی ناظمہ زونز ام حبیبہ اسماعیل نے خصوصی خطاب کیا۔
میلاد النبی ﷺ کانفرنس میں صدر ویمن لیگ شمالی گوجرانوالہ عطیہ سہیل، عائشہ منہاج، صدر علی پور چٹھہ طلعت جاوید، ناظمہ شکیلہ ارم، عائشہ قراۃ العین، سٹاف منہاج ماڈل سکول اور تحصیلی ٹیم کے علاوہ خواتین کی کثیر تعداد نے شرکت کی۔
محفل میلاد مصطفی ﷺ کا آغاز تلاوتِ کلامِ مجید سے ہوا جس کے بعد سدرہ انور نے حضور اکرم صلی اللہ علیہ وسلم کی بارگاہ میں گلہائے عقیدت پیش کیے۔ ام حبیبہ اسماعیل نے کانفرنس میں شریک خواتین سے خطاب کرتے ہوئے کہا کہ حضور نبی اکرم ﷺ سے محبت ہمارے ایمان کا لازمی جزو ہے۔ ہمیں حضور نبی اکرم ﷺ سے اپنا تعلق محبت استوار کرنے کے ساتھ ساتھ آپ ﷺ کی سیرت کی اتباع کی بھی کوشش کرنی ہے تاکہ ہم بحیثیت مسلمان دنیوی اور اخروی فلاح پا سکیں۔
ام حبیبہ اسماعیل نے کامیاب میلاد کانفرنس کے انعقاد پر منہاج القرآن ویمن لیگ علی پور چٹھہ شمالی گوجرانوالہ کی عہدیداران و کارکنان کو مبارکباد دی اور ان کی دینی و ملی کاوشوں کو سراہا۔ کانفرنس کے اختتام پر امت مسلمہ بالخصوص پاکستان کی سلامتی، عظیم مصطفوی مشن کی کامیابی اور شیخ الاسلام کی صحت و درازئ عمر کیلئے دعا کی گئی۔
تبصرہ