گزشتہ 20 سال سے سالانہ میلاد النبی ﷺ کانفرنس کے ذریعے خواتین میں عشق مصطفیٰ ﷺ کے فروغ پر ڈاکٹر غزالہ قادری کی منہاج القرآن ویمن لیگ سرگودھا کو خصوصی مبارکباد
منہاج القرآن ویمن لیگ سرگودھا سٹی کے زیر اہتمام 7 ںومبر 2022 کو عظیم الشان میلاد النبی ﷺ کانفرنس کا انعقاد کیا گیا جس میں خصوصی شرکت اور خطاب ناظمہ زونز بی ام حبیبہ اسماعیل نے کیا۔ کانفرنس میں ضلعی صدر سرگودھا صدف سعید، قمر ندیم، مریم عرفان، مسز پروین بھٹہ، آسیہ گل، صفیہ فاطمہ، عظمت خاور اور تحصیلی ٹیم کے علاوہ خواتین کی کثیر تعداد نے شرکت کی۔
کانفرنس کا آغاز تلاوتِ کلامِ مجید سے ہوا جس کے بعد سدرہ انور نے بارگاہ رسالتمآب ﷺ میں گلہائے عقیدت پیش کیے۔خواتین سے خطاب کرتے ہوئے میں ام حبیبہ اسماعیل نے کہا کہ حضور نبی اکرم ﷺ سے قلبی و حبی تعلق استوار کرنے کے ساتھ ساتھ آپ ﷺ کی سیرت کی اتباع ہی ہماری کامیابی کی ضمانت ہے، ہمیں بطور امتی حضور ﷺ کے اخلاق مبارکہ کو اپنی زندگیوں میں اختیار کرنا ہو گا، اسی میں ہماری کامیابی کا راز مضمر ہے۔
کانفرنس کے شاندار انتظامات پر ام حبیبہ اسماعیل نے ویمن لیگ کی جملہ عہدیداران و کارکنان کو مبارکباد دی اور ان کی دینی و ملی کاوشوں کو سراہا۔ کانفرنس کے اختتام پر امت مسلمہ بالخصوص پاکستان کی سلامتی، عظیم مصطفوی مشن کی کامیابی اور شیخ الاسلام کی صحت و درازئ عمر کیلئے دعا کی گئی۔
تبصرہ