منہاج القرآن ویمن لیگ نارنگ منڈی کے زیرِ اہتمام 18 نومبر 2022 کو سالانہ محفل میلاد النبی ﷺ کا انعقاد کیا گیا جس میں ناظمہ زونز بی محترمہ ام حبیبہ اسماعیل نے خصوصی شرکت اور گفتگو کی۔ محفل میں محترمہ بتول مشتاق، صدر ویمن لیگ نارنگ منڈی محترمہ فرحت شرافت، ناظمہ ثناء فاطمہ اور تحصیلی ٹیم کے علاوہ خواتین کی کثیر تعداد نے شرکت کی۔
میلاد النبی ﷺ کانفرنس کا آغاز تلاوتِ کلامِ مجید سے ہوا جس کے بعدمحترمہ سدرہ انور نے بارگاہِ رسالتمآب ﷺ میں گلہائے عقیدت پیش کیے گئے۔خواتین سے خطاب کرتے ہوئے ام حبیبہ اسماعیل نے کہا کہ حضور نبی اکرم ﷺ کائنات کےلئے سرتاپا رحمت ہیں اورعشق و محبت مصطفیﷺ کا خمیر ہی روح کو تازگی اور جلا کا واحد ذریعہ ہےہمیں حضور نبی اکرم سے اپنا تعلق محبت استوار کرنے کے ساتھ ساتھ آپﷺ کی سیرت کی اتباع کی بھی کوشش کرنی ہے تاکہ ہم بحیثیت مسلمان دنیوی اور اخروی فلاح پا سکیں۔
ام حبیبہ اسماعیل نے کامیاب میلاد کانفرنس کے انعقاد پر منہاج القرآن ویمن لیگ نارنگ منڈی کی عہدیداران و کارکنان کو مبارکباد دی اور ان کی دینی و ملی کاوشوں کو سراہا۔ کانفرنس کے اختتام پر امت مسلمہ بالخصوص پاکستان کی سلامتی، عظیم مصطفوی مشن کی کامیابی اور شیخ الاسلام کی صحت و درازئ عمر کیلئے دعا کی گئی۔
تبصرہ