صدر منہاج القرآن ویمن لیگ ڈاکٹر فرح ناز نے کہا کہ منہاج القرآن انٹرنیشنل کے زیرِاہتمام چالیسویں عالمی میلاد کانفرنس میں پاکستان بھر سے جوق در جوق تشریف لانے والی خواتین کو دل کی عمیق گہرائیوں سے خوش آمدید کہتی ہوں اور منہاج القرآن ویمن لیگ کی تمام تر تنظیمات کو مبارکباد پیش کرتی ہوں جنہوں نے شبانہ روز محنت اور جانفشانی سے اس کانفرنس کے انعقاد کو یقینی بنایا۔ خواتین کی اتنی بڑی تعداد میں شرکت اس بات کی علامت ہے کہ اُن کے دل آقائے دوجہاں ﷺ کی محبت اور عقیدت کے خالص جذبوں سے لبریز ہیں۔ دعاگو ہوں کہ اللہ رب العزت ہمیں بارگاہِ رسالتﷺ کے ساتھ عشق اور محبت کا مضبوط رشتہ استوار رکھنے اور اُن ﷺ کی سیرت پہ عمل پیرا ہونے کی توفیق عطا فرمائے۔ آمین
تبصرہ