علم دین سارے کا سارا انسانی نفسیات اور رویے پر بنیاد کرتا ہے: ڈاکٹر فرح ناز

صدر منہاج القرآن ویمن لیگ پاکستان ڈاکٹر فرح ناز کی صدارت میں مرکزی ایگزیکٹو ٹیم کے لیے فکری نشست منعقد کی گئی جس میں منہاج القرآن ویمن لیگ کے 35 سالہ روشن سفر اور آئیندہ کی حکمت عملی کے حوالے سے ڈسکشن ہوئی۔ نائب صدر منہاج القرآن ویمن لیگ محترمہ سدرہ کرامت نے سالانہ سرگرمیوں اور انکے نتائج کے حوالے سے پریزنٹیشن دی۔

سیشن میں گفتگو کرتے ہوئے ڈاکٹر فرح ناز کا کہنا تھا کہ دعوت اور تبلیغ کی تین صورتیں ہیں، سب سے کمزور اور غیر موثر شکل یہ ہے کہ اپنے قول اور بول سے دعوت دی جائے، دوسری صورت یہ ہے کہ اپنے عمل، اخلاق اور برتاؤ سے دعوت دی جاۓ جبکہ تیسری اور سب سے اعلیٰ شکل یہ ہے کہ انسان اپنے پورے وجود کی سطح پر دین کو اپنا حاکم بنا لے اور اپنے مکمل وجود کے ساتھ دین کا مبلغ بن جائے اور در حقیقت یہی وہ لوگ ہوتے ہیں جن کو دیکھ کر خدا یاد آ جاتا ہے۔ جن کی صحبت دین کے فہم کا باعث بنتی ہے اور اللہ رب العزت کا شکر ہے کہ اس دور میں ہمیں وہ صحبت اور وہ تعلق حضور سیدی شیخ الاسلام ڈاکٹر محمد طاہر القادری کی صورت میں میسر ہے۔