منہاج القرآن ویمن لیگ کشمیر کے زیرِاہتمام کوٹلی سٹی اور تحصیل کھوئی رٹہ کے مقامات پر خواتین کو اسلام کی بنیادی تعلیمات سے آگاہ کرنے کے لیے 5 روزہ اسلامک لرننگ کورس کا انعقاد کیا جا رہا ہے۔
کورس میں محترمہ رافعہ عروج ملک اور محترمہ صائمہ نور بطور اسکالرز اپنے فرائض منصبی انجام دے رہی ہیں۔ کورس میں خواتین کو تجوید، فقہ، آداب معاشرت، عقائد، فن خطابت اور تنظیمی تربیت کے حوالے سے لیکچرز دیے جائیں گے۔
کورس کے پہلے روز محترمہ رافعہ عروج ملک نے تجوید کلاس میں علم التجوید کا تعارف، مخارج کا بیان اور سورہ فاتحہ کی پریکٹس کروائی، علم الفقہ کی کلاس میں فقہ کا تعارف اور ضرورت و اہمیت کے بعد بنیادی تعریفات پڑھائیں، اس کے ساتھ ساتھ دینی تعلیمات سیکھنے کی ضرورت و اہمیت اور کورس کے مقاصد پر گفتگو کی۔
دونوں مقامات پر خواتین کی کثیر تعداد نے کلاس میں رجسٹریشن کروائی اور دینی تعلیم سیکھنے کے لئے ایک نئے عزم کا اعادہ کیا۔
تبصرہ