منہاج القرآن ویمن لیگ کوٹلی کے زیراہتمام ٹریننگ آف ٹرینرز سیشن کا انعقاد کیا گیا، جو ایک بھرپور تربیتی اور فکری نشست ثابت ہوئی۔ اس پروگرام میں تنظیمی، دعوتی اور فکری میدان سے متعلق اہم موضوعات پر مرکزی وفد نے سیر حاصل گفتگو کی۔
اس موقع پر نائب ناظمِ اعلیٰ تنظیمات رفیق نجم نے تنظیمی استحکام، مراحلِ خمسہ اور قیادت کے اصولوں پر روشنی ڈالی۔ مرکزی ناظمہ دعوت و تربیت محترمہ حافظہ سحر امبرین نے مراکزِ علم، دروس عرفان القرآن، تنظیمی استحکام اور رفاقت کی دعوت کے موضوعات پر عملی رہنمائی فراہم کی۔
جنرل سیکرٹری مصطفوی سسٹرز حافظہ رابعہ شفق نے فتنوں کے دور میں ایمان کی حفاظت اور نوجوانوں کی اجتماعی جدوجہد پر نہایت مؤثر خطاب کیا، جبکہ زونل ناظمہ آزاد جموں و کشمیر عزرا اکبر نے لیڈر کی خصوصیات پر بصیرت افروز گفتگو کرتے ہوئے کردار و نیت کی اصلاح پر زور دیا۔ یہ ٹریننگ نشست شرکاء کے لیے فکری بیداری، تنظیمی مضبوطی اور دعوتی حکمتِ عملی کے اعتبار سے ایک مؤثر سنگِ میل ثابت ہوئی۔
تبصرہ