منہاج القرآن ویمن لیگ سٹی سرگودھا اور مصطفوی سسٹرز کے زیراہتمام 22 واں سالانہ جشنِ عید میلاد النبیﷺ کا انعقاد کیا گیا جس میں سرگودھا کی معروف شخصیات سمیت خواتین کی بڑی تعداد نے شرکت کی۔ محفل کا آغاز تلاوتِ قرآن پاک اور حمدِ باری تعالیٰ سے ہوا، جبکہ منہاج نعت کونسل اور دیگر نعت خواں خواتین نے حضور ﷺ کی بارگاہ میں عقیدت کے پھول نچھاور کیے۔ ایگرز کی ننھی بچیوں نے بھی نعتیہ کلام پیش کرکے اپنی محبتِ رسول ﷺ کا اظہار کیا۔
محترمہ جویریہ افضل صاحبہ (ڈپٹی ڈائریکٹر دخترانِ اسلام) نے "مصطفوی اخلاقیات" کے موضوع پر ایمان افروز خطاب فرمایا۔ انہوں نے کہا کہ ایمان کا تعلق محبت سے اور محبت کا تعلق اخلاق سے ہے۔ اگر کسی کے رویے سے دوسروں کو تکلیف پہنچے تو یہ سمجھ لینا چاہیے کہ اس کے دل میں محبتِ رسول ﷺ کمزور ہے۔ آپ ﷺ کے اخلاق حسنہ کا تقاضا ہے کہ ہم گھروں اور معاشرے میں رحم، خدمت اور صلہ رحمی کو عام کریں۔ انہوں نے کہا کہ گھروں کو مراکزِ علم بنا کر سیرت النبی ﷺ کی خوشبو پھیلانا ہر مومن کی ذمہ داری ہے۔ محفل کا اختتام سلام و دعا پر ہوا، جس نے حاضرین کے دلوں کو نورِ ایمان سے معمور کر دیا۔
تبصرہ