بین الاقوامی ماہرِ نفسیات ڈاکٹر ریحام ابی سینا نے محترمہ فضہ حسین قادری کے ہمراہ مرکزی سیکرٹریٹ منہاجُ القرآن انٹرنیشنل کا دورہ کیا۔ محترمہ فضہ حسین قادری نے معزز مہمان کو مرکزی سیکرٹریٹ کے مختلف شعبہ جات بشمول Pictorial Gallery، فریدِ ملت ریسرچ انسٹیٹیوٹ، جامع شیخ الاسلام، اور منہاجُ القرآن ویمن لیگ کے مرکزی دفتر کا تفصیلی دورہ کروایا، جہاں متعلقہ ڈائریکٹرز نے ڈاکٹر ریحام ابی سینا کو اپنے شعبہ جات کے اہداف، کام کے دائرہ کار، اور تحقیقی و تعلیمی خدمات کے بارے میں بریفنگ دی۔
ڈاکٹر ریحام ابی سینا نے شیخ الاسلام ڈاکٹر محمد طاہرالقادری کی علمی، فکری اور تحقیقی خدمات کو سراہتے ہوئے کہا کہ انہوں نے فروغِ علم، اعتدال اور بین المذاہب ہم آہنگی کے فروغ میں ایک مثالی کردار ادا کیا ہے۔
اس موقع پر ہیڈ کوآرڈینیشن کونسل منہاجُ القرآن ویمن لیگ لبنیٰ مشتاق، باجی ارشاد اقبال سمیت دیگر مرکزی ذمہ داران بھی محترمہ فضہ حسین قادری کے ہمراہ موجود تھیں۔
تبصرہ