رمضان المبارک کی 21ویں شب منہاج القرآن انٹرنیشنل سیکریٹریٹ ماڈل ٹاؤن لاہور میں شیخ الاسلام ڈاکٹر محمد طاہرالقادری دامت برکاتہم العالیہ نے ’’حضور نبی اکرم ﷺ کے اخلاقِ کریمانہ‘‘ کے موضوع پر خصوصی اخلاقی و روحانی تربیتی خطاب فرمایا۔ اس موقع پر منہاج القرآن ویمن لیگ کے زیرِاہتمام خواتین نے بڑی تعداد میں شرکت کی اور لیکچر سے روحانی و اخلاقی رہنمائی حاصل کی۔
شیخ الاسلام ڈاکٹر محمد طاہرالقادری نے اپنے خطاب میں فرمایا کہ جس طرح قرآن مجید جیسا کوئی کلام نہیں اسی طرح سیرت و اخلاقِ محمدی ﷺ جیسی کوئی سیرت نہیں۔ آپ ﷺ کی سیرتِ طیبہ انسانیت کے لیے کامل نمونہ ہے جو محبت، خدمتِ خلق اور اعلیٰ اخلاق کا درس دیتی ہے۔
روحانی و تربیتی اجتماع کی پہلی نشست میں صدر منہاج القرآن ویمن لیگ انٹرنیشنل محترمہ ڈاکٹر غزالہ قادری، محترمہ فضہ حسین قادری، ہیڈ کوآرڈینیشن کونسل محترمہ لبنیٰ مشتاق، ممبر کوآرڈینیشن کونسل محترمہ عائشہ مبشر، محترمہ سحر عنبرین اور منہاج القرآن ویمن لیگ کی مرکزی ٹیم سمیت خواتین کی بڑی تعداد نے شرکت کر کے حضور نبی اکرم ﷺ کی سیرتِ مبارکہ سے رہنمائی حاصل کی۔
تبصرہ