ڈاکٹر محمد طاہرالقادری کا نوشابہ حمید کے انتقال پر اظہار افسوس

لاہور (21 جون 2021 ء) قائد تحریک منہاج القرآن شیخ الاسلام ڈاکٹر محمد طاہرالقادری نے منہاج القرآن ویمن لیگ کی مرکزی رہنماء ڈاکٹر نوشابہ حمید کے انتقال پر اظہار افسوس کرتے ہوئے کہا ہے کہ اللہ تعالیٰ مرحومہ کی بخشش فرمائے، لواحقین کو صبر جمیل دے۔ مرحومہ کی تحریک منہاج القرآن کے لئے خدمات کو ہمیشہ یاد رکھا جائے گا۔

چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری، صدر منہاج القرآن ڈاکٹر حسین محی الدین قادری، خرم نواز گنڈاپور، بریگیڈیئر (ر) اقبال احمد خان، رفیق نجم، جی ایم ملک، نوراللہ صدیقی، حافظ غلام فرید، اشتیاق حنیف مغل، مظہر علوی، عرفان یوسف، علامہ میر آصف اکبر، فرح ناز، سدرہ کرامت، انیلا الیاس، نورین علوی، عائشہ مبشر، کلثوم طفیل، فہنیقہ ندیم سمیت تحریک منہاج القرآن، منہاج القرآن ویمن لیگ اور پاکستان عوامی تحریک کے مرکزی، صوبائی و ضلعی قائدین نے ڈاکٹر نوشابہ حمید کے انتقال پر افسوس کا اظہار کرتے ہوئے سوگوار خاندان کے لئے صبرجمیل اور ڈاکٹر نوشابہ حمید کی بخشش و مغفرت اور بلندی درجات کے لئے دعا کی ہے۔

مرحومہ ڈاکٹر نوشابہ حمید کی نماز جنازہ تحریک منہاج القرآن کے مرکزی سیکرٹریٹ ماڈل ٹاؤن میں ادا کی جائے گی۔ نماز جنازہ صدر منہاج القرآن انٹرنیشنل ڈاکٹر حسین محی الدین قادری پڑھائیں گے۔

تبصرہ