منہاج القرآن ویمن لیگ کراچی ایسٹ اور ویسٹ کے زیرِاہتمام ٹریننگ آف ٹرینرز کا انعقاد کیا گیا۔ منہاج القرآن ویمن لیگ کی ممبر کوآرڈینیشن کونسل، محترمہ صائمہ نور صاحبہ نے کراچی میں منعقدہ ٹریننگ آف ٹرینرز کے شرکاء سے خطاب کرتے ہوئے تحریک منہاج القرآن کی رفاقت، اس کے اہداف اور اس کی عملی اہمیت پر جامع روشنی ڈالی۔ محترمہ صائمہ نور نے بالخصوص شیخ الاسلام ڈاکٹر محمد طاہرالقادری کی سنگت اور صحبت کی برکت کو اجاگر کرتے ہوئے کہا کہ یہ رفاقت ہی مشن مصطفویٰ کو آگے بڑھانے کا اصل ذریعہ ہے۔
انہوں نے تنظیمی عہدیداران، کارکنان اور طالبات کو تلقین کی کہ وہ رفاقت کے ذریعے معاشرے کے ہر فرد تک اس مشن کا پیغام پہنچائیں اور مصطفویٰ انقلاب کی عملی جدوجہد میں شامل کریں۔ ان کا کہنا تھا کہ رفاقت کے فروغ اور اس کے حقیقی فہم کے ذریعے ہی مصطفویٰ معاشرے کے قیام کی منزل کو آسان بنایا جا سکتا ہے۔
تبصرہ