MWL holds Peace Gala 2016
منہاج القرآن ویمن لیگ کے زیراہتمام ’پیس گالا‘ تقریب
Islamabad Long March 14 Jan 2013
اسلام آباد لانگ مارچ 14 جنوری 2013
My struggle for people’s democracy and rights: Dr Tahir-ul-Qadri
اسلام آباد لانگ مارچ 14 جنوری 2013
لاہور : ملالہ یوسف زئی پر قاتلانہ حملے کے خلاف منہاج القرآن ویمن لیگ کا احتجاجی مظاہرہ
لاہور : ملالہ یوسف زئی پر قاتلانہ حملے کے خلاف منہاج القرآن ویمن لیگ کا احتجاجی مظاہرہ
منہاج القرآن ویمن لیگ کے زیر اہتمام میلاد فیسٹیول
منہاج القرآن ویمن لیگ کے زیر اہتمام میلاد فیسٹیول
منہاج القرآن ویمن لیگ کے زیراہتمام ایوان اقبال لاہور میں کتب کی نمائش
منہاج القرآن ویمن لیگ کے زیراہتمام ایوان اقبال لاہور میں کتب کی نمائش
متاثرین سیلاب کے لیے منہاج القرآن ویمن لیگ کی امدادی کاروائیاں
متاثرین سیلاب کے لیے منہاج القرآن ویمن لیگ کی امدادی کاروائیاں
Ziafat e Milad
منہاج القرآن ویمن لیگ کے زیراہتمام ضیافت میلاد
Milad un Nabi Juloos
منہاج القرآن ویمن لیگ کے زیراہتمام جشن عید میلاد النبی (ص) جلوس
Islamic Learning Course
اسلامک لرننگ کورس
Islamic Learning Course
اسلامک لرننگ کورس
MWL distributes Eid Gifts and food among orphans and the destitute women
منہاج القرآن ویمن لیگ کے زیراہتمام یتیم بچوں اور بچیوں میں تحائف کی تقسیم
Women Training Itikaf
اعتکاف
Minhaj-ul-Quran Women Leagues Rally at the Mall
منہاج القرآن ویمن لیگ کے زیراہتمام ریلی
خبریں
01 نومبر 2006 ء
منہاج یونیورسٹی لاہور کے بورڈ آف گورنرز کا اجلاسمنہاج یونیورسٹی لاہور کے بورڈ آف گورنرز کا اجلاس چیئرمین بورڈ آف گورنرز پروفیسر ڈاکٹر محمد طاہرالقادری کی زیرصدارت منعقد ہوا، بورڈ آف گورنرز کے دیگر ممبران جن میں جسٹس (ر) شیخ ریاض احمد، پروفیسر ڈاکٹر نذیر رومانی (وائس چانسلر یونیورسٹی)، فاروق امجد میر، ملک محمد اسلم ایڈووکیٹ، پروفیسر ہمایوں احسان اور دیگر نے شرکت کی۔ بانی و چیئرمین بورڈ آف گورنرز مفکر اسلام پروفیسر ڈاکٹر محمد طاہرالقادری نے تمام فاضل ممبران کو اس افتتاحی اجلاس میں تشریف آوری پر خوش آمدید کہا اور امید ظاہر کی کہ آئندہ بھی یہ علمی تعاون بدستور جاری رہے گا اور یونیورسٹی انتظامیہ ان معزز ممبران کی ماہرانہ سرپرستی میں ادارے کا معیار تعلیم بلند کرنے کی بھرپور کوشش کرتی رہے گی، بورڈ آف گورنرز نے اکیڈمک کونسل، بورڈ آف فیکلٹیز، سلیکشن بورڈ، بورڈ آف ایڈوانس سٹڈیز اینڈ ریسرچ اور فنانس اینڈ پلاننگ کمیٹی کی تشکیل کے لیے اراکین کی نامزدگی کی، بورڈ نے گریجویٹ اور پوسٹ گریجویٹ کورسز کے لیے قواعد و ضوابط کی منظوری بھی دی۔
13 اکتوبر 2006 ء
شیخ الاسلام ڈاکٹر محمد طاہرالقادری طویل دورہ یورپ کے بعد وطن واپس پہنچ گئے۔شیخ الاسلام ڈاکٹر محمد طاہرالقادری یورپی ممالک کے طویل دورہ اور عمرہ کی ادائیگی کے بعد گزشتہ روز (جمعرات) وطن واپس پہنچ گئے۔ لاہور ائیرپورٹ پر امیر تحریک منہاج القرآن صاحبزادہ فیض الرحمن خان درانی، ناظم اعلیٰ ڈاکٹر رحیق احمد عباسی، نائب ناظم اعلیٰ شیخ زاہد فیاض اور دیگر قائدین نے ان کو گلدستے پیش کر کے خوش آمدید کہا۔ شیخ الاسلام ڈاکٹر محمد طاہرالقادری شام 7 بجے جب لاہور ائیر پورٹ سے باہر تشریف لائے تو ہزاروں کارکنان نے نعروں کی گونج کے ساتھ ایک جلوس کی شکل میں ان کا شاندار استقبال کیا۔ کارکنان نے خیر مقدمی بینرز اور تحریک کے جھنڈے بھی اٹھا رکھے تھے۔ یوتھ کے نوجوانوں نے پھولوں کی پتیاں نچھاور کرکے اپنے قائد کا استقبال کیا۔ اس موقع پر خواتین اور بچوں کے ساتھ صحافیوں کی بڑی تعداد بھی موجود تھی۔ چھوٹے بچوں اور خواتین نے پلے کارڈ اور خیر مقدمی جھنڈیاں بھی اٹھائی ہوئی تھیں۔ گاڑیوں کے ایک بڑے قافلے کے ساتھ شیخ الاسلام کو ائیر پورٹ سے انکی رہائش گاہ ماڈل ٹاؤن تک لایا گیا۔ شیخ الاسلام ڈاکٹر محمد طاہرالقادری نے 6 ماہ کے طویل دورہ کے دوران یورپی ممالک میں منعقدہ بڑے بڑے اجتماعات، سیمنارز اور کانفرنسز سے خطابات کیے۔ انہوں نے برطانیہ میں دورہ صحیح بخاری، سالانہ الہدایہ کیمپ 2006ء اور ترکی میں ہونے والی "مسلمز آف یورپ کانفرنس" میں بطور مہمان خصوصی شرکت کی اور اپنے غیر ملکی دورہ کے آخر پر عمرہ کی سعادت حاصل کی۔ جہاں سے وطن واپس پہنچ گئے ہیں۔
03 اکتوبر 2006 ء
امیر تحریک اور پرنسپل سیکرٹری شیخ الاسلام کی سپیکر پنجاب اسمبلی اور صوبائی وزراء سے ملاقاتتحریک منہاج القرآن کے امیر تحریک صاحبزادہ مسکین فیض الرحمن درانی اور جی ایم ملک پرنسپل سیکرٹری شیخ الاسلام ڈاکٹر محمد طاہرالقادری صوبائی اسمبلی پنجاب میں سپیکر پنجاب اسمبلی چودھری محمد افضل ساہی اور صوبائی وزراء محترم مناظر علی رانجھا وزیر کالونیز، محترم عمران مسعود وزیر تعلیم، محترم سردار حسن اختر مؤکل وزیر مینجمنٹ اینڈ پروفیشنل ڈویلپمنٹ، محترم محمد بشارت راجہ وزیر قانون، محترم ڈاکٹر محمد شفیق چوہدری وزیر ایکسائز اینڈ ٹیکسیشن، محترم گل حمید روکڑی وزیر ریوینیو اور محترم غلام محی الدین چشتی سے ملاقات کی اور انہیں شیخ الاسلام ڈاکٹر محمد طاہرالقادری کے ترجمۂ قرآن ’’عرفان القرآن‘‘ کے نسخے پیش کئے جس پر عزت مآب سپیکر اسمبلی اور وزراء نے شیخ الاسلام کی امت مسلمہ کے لئے اس عظیم کاوش کی تعریف کی اور سراہا۔ صاحبزادہ فیض الرحمن درانی نے انہیں شہر اعتکاف کے بارے میں تفصیلات سے آگاہ کیا اور انہیں شہر اعتکاف کے وزٹ کی دعوت دی جو انہوں نے نہایت خوشی سے قبول کی اور انہوں نے شیخ الاسلام کی دینی اور تعلیمی خدمات کو سراہا۔
08 ستمبر 2006 ء
مجلس ختم علی الصلوٰۃ علی النبی (ص) و شب برات اجتماع8 ستمبر 2006ء بمطابق 14 شعبان معظم کی شب تحریک منہاج القرآن کے مرکزی سیکرٹریٹ ماڈل ٹاؤن کے سبزہ زار میں ماہانہ روحانی اجتماع ختم علی الصلوٰۃ النبی اور شب برأت کی خصوصی محفل منبعقد ہوئی۔ اس روحانی محفل میں شرکت کیلئے لاہور کے علاوہ گردو نواح کے شہروں سے بھی حاضرین کی ایک بڑی تعداد سر شام تحریک کے مرکزی سیکرٹریٹ پہنچی۔ پروگرام کا باقاعدہ آغاز عشاء کے بعد ہوا تاہم حاضرین کی کثیر تعداد مقررہ وقت سے قبل ہی پنڈال میں براجمان ہوئی۔ جب پروگرام کا باقاعدہ آغاز ہوا تو پنڈال میں حاضرین کے لیے جگہ کم پڑ گئی جس پر انتظامیہ نے ہنگامی طور پر مرکزی سیکرٹریٹ کے ساتھ ملحقہ منہاج القرآن پارک میں پروجیکٹر نصب کر کے حاضرین کے بیٹھنے کا انتظام کیا۔ خواتین کی ایک بڑی تعداد بھی یہاں موجود تھی۔ جسکی وجہ سے منہاج القرآن ویمن لیگ کو بھی خواتین شرکاء کے لئے اضافی انتظامات کرنا پڑے۔ پروگرام کا باقاعدہ آغاز قاری اللہ بخش نقشبندی نے تلاوت کلام پاک سے کیا۔ ناظم تربیت فرحت حسین شاہ کی نقابت اور کمیپئرنگ نے بھی حاضرین میں رنگ جما دیا۔ انہوں نے تلاوت کلام پاک کے بعد آقا علیہ السلام کی بارگاہ مدح سرائی کیلئے کالج آف شریعہ منہاج یونیورسٹی کے نعت خواں کو دعوت دی بعد ازاں مختلف نعت خواں وقفہ وقفہ سے اپنے ذوق نعت خوانی سے حاضرین کے لئے سامان عشق و نور پیدا کرتے رہے۔
25 اگست 2006 ء
الھدایہ کیمپ 2006ء (برطانیہ)چار روزہ الھدایہ کیمپ منہاج القرآن انٹرنیشنل لندن کے زیر اہتمام پروقار تقریب کے طور پر منعقد ہوا۔ افتتاحی روز تقریب کا باقاعدہ آغاز جمعہ کی نماز کے بعد ہوا۔ تلاوت و نعت کے بعد کیمپ کوآرڈینیٹر ڈاکٹر زاہد اقبال اور عبدالقدیر نے اس میگا ایونٹ کی تعارفی نشست میں اظہار خیال کیا۔ انہوں نے بتایا کہ یہاں برطانیہ کے علاوہ نارتھ امریکہ، ڈنمارک، ہالینڈ فرانس اور دیگر یورپی ممالک سے نوجوان موجود ہیں۔ الھدایہ کیمپ کے انعقاد کا مقصد دیار غیر میں مقیم نوجوانوں کی تربیت کرنا ہے۔ شیخ الاسلام کی خصوصی ہدایت پر یہ کیمپ شروع کیا گیا ہے۔ اس تعارفی نشست کے دوران شیخ الاسلام ڈاکٹر محمد طاہرالقادری اور معزز مہمان محدث اعظم الاستاذ الشیخ اسعد محمد سعید الصاغرجی (شام) تشریف لائے۔ آپ شام کے نامور فقہی اور علم الفقہ پر مشہور کتاب الفقہ الحنفیہ کے مصنف اور ماجع مسجد اُموی (دمشق) کے خطیب اعظم بھی ہیں۔ شیخ الاسلام کی خصوصی دعوت پر اس کیمپ کے لیے برطانیہ تشریف لائے جہاں آپ کی یہ پہلی آمد تھی۔
منہاج القرآن
منہاج ویلفئیر
منہاج اوورسیز
پاکستان عوامی تحریک
اسلامک لائبریری
عرفان القرآان
خطابات
ماہنامہ منہاج القرآن
ماہنامہ دختران اسلام
کاپی رائٹ © 1994 - 2019 منہاج القرآن انٹرنیشنل. جملہ حقوق محفوظ ہیں.